Bahubali 2: The Conclusion

Yudhh mein saikdon ko maarne wala nayak hai lekin jo kisi ek ke liye praan bachaye wo devta hai

Ek raja ka dharm sirf shatru ko maarna nahi hota, praja ko bachana bhi hota hai.

Jo praan deta hai, wo bhagwaan hai ... Praan bachaane wala, vaidhya ... Aur praan ki raksha karne wala, kshatriya

Nagar mein dhindora pitwa do dada ... Bachhe, bade, budhe, sab se kehna ki maine bulaya hai ... Talwar, hathauda, kulhadi, aari, teer, bhala, kudaal jo mile usse hathiyaar bana kar le aao ... Kehna iss rajya ko abhishaap se mukt karne ke liye, Rajmata Shivagami Devi ka putra, Amrendra Baahubali ka vanshaj, Mahendra Baahubali ab laut aaya hai

Apne haatho ko hathiyaar bana lo ... Apni saanso ko aandhiyo mein badal do ... Humara rakt hi mahasena hai ... Jai Mahishmati

Tumhe dekhte hi mujhe sandehh ho gaya tha ... Tumhaari nautanki aur iski chaaplusi

Yeh yuddh mein talwaar chalaaye huye haath hain ... Ek yoddha ka haath main nahi pehchanungi?

Iss ahankaar ka ek ansh bhi agar aapke yuvraj mein hota toh main unke paurush par moh jaati ... Aise nikkammon ke saath main kya, humaare rajya ke kutte bhi byaah nahi karenge

Meri sehmati ke bina mera vivah tay karne waali aap hoti kaun hain ... Ek kshatriya kanyaa ko apna varr chunane ka adhikaar hai, aap itna bhi nahi jaanti ... Itni bhi buddhi nahi hai

Shivagami ki bahu par itna ahankaar, aakarshak lagta hai

Humne vivah ki sehnaayi bajaani chaahi ... Aur uske ghammand ne yuddh ke nagaade bajwa diye

Maa! Chhote bhai ko singhaasan dene ke badle mein mujhe yeh bhet di ja rahi hai ... Singhaasan na milne ka shok manaaye, itna gira hua nahi hai aapka beta ... Rajmata Shivagami Devi ka nirnay sar-aankho par ... Upahaar dekar uska apmaan na karein

Main kya karoon bhole, bhole bam bhole ... jis devi ne madad ka vachan diya, ussi ne haath todhe

Ek taraf bail hai dusre taraf bail buddhi ... bachcha mar jayega rani

Bijli ki tarah tezz, haathi jaisi shakti, sher jaisi garaj, cheetah jaisi phurti, gidh jaisi nazar ... poore ke poore jungle ke darshan ho gaye prabhu

Tumhari maa ka paaltu kutta aa gaya!

Apke Raja na banane ka kaaran aapke apaahijh haath nahi hai prabhu ... Aapki apaahij buddhi hai

Kattappa: Joh apni patni ki hatyaa ke baare mein soche, uski buddhi apaahij nahi to kya hai
BijjalDeva: Tune soon liya?
Kattappa: Nahi prabhu, kutta hoon, Soongh liya!

Jab haath mein Baahubali ka diya ashtra ho aur seene mein Baahubali ka bhara hua saahas ... Toh main kya ek bachha bhi sher ko maar giraayega

Iss sheetal chandani raat mein chakor panchhiyon ki ye jodi dekho ... Dekho iss punam ke chand ko ... Kaise iss chand ki kirane phoolon ke komal badan se boond-boond karke fisal rahi hain ... Aur kaise ye dono in kirano ka raspaan kar ke ek dusre mein doobe huye hain ... Inn dono ko dekh kar tumhe kya lagta hai mama

Rajkumari ... Naadvey ... Madibandham bahirmukham ... Teja

Joh dharm meri maa ne mujhe sikhaya hai usse sakshi maan kar vachan deta hoon, tumhaare gaurav aur maryada par kisi bhi paristhiti mein aanch nahi aane dunga.

Devasena ko kisi ne haath lagaya to samjho Baahubali ki talwaar ko haath lagaya

Amarendra Baahubali, yaani main, Mahishmati ki asankhya praja aur unke dhann, maan aur praan ka rakshak, Aur maharaj Bhallaldeva ki sarvasena ka adhyaksh, nirantar apne kartavya ka nirvahan karte huye mujhe agar praan bhi tyaagna pade to sankoch nahi karunga ... Rajmata Sivagami Devi ko Shakshi maan kar main yeh shapat leta hoon

Ek garbhwati ko beddiyon ke saath khada kar ke yeh sabha pehle hi apni hadd paar kar chuki hai maa

Kisi sunwaayi ke bina hi mujhe hathkadiyaan pehna di gayi, aur pehle hi nirnay ho chuka hai ki main apraadhi hoon ... Yeh kaha ka nyaay hai

Aurat par haath daalne wale ki ungaliyaan nahi kaatte ... Kaatate hain uska gala

Humein shatru se bacha ke aap hamare liye devta ban gai ... aur agle hi kshan hume bandi banane aa gai

Mera mann jeetane wale mahaveer hain aap ... Agar mujhe daasi bana kar bhi le jaayenge toh mrityu tak main khushi-khushi aapke saath chalungi ... Lekin apna svaabhimaan haar kar bandi ban kar aana asambhav hai

Bijaladeva Shivagami ki santaan, jise Bhallaldeva ke naam se jana jata hai, Main akhand mahishmati saamrajya ka rajadhiraj iss rajya ke kalyaan ka mahaan utaar daaitwa vidhi purwak nirvahan karunga ... Uss parmeshwar ko sakshi maan kar main yeh shapath leta hoon

Shivagami ki bahu ki adbhut aur anannay swagat satkar ki taiyari ki jaaye

Diye huye vachan ke liye ... satya aur nyay ke liye ... dharam sthapana ke liye ... kisi ke bhi virudh jaana pade, woh chahe parmatma hi kyun na ho ... toh bhaybheet na ho ... yahi dharam hai, yahi kshatriya dharam hai

Yeh mera vachan hai ... Mera vachan hi hai shaasan

Jab hone wale maharaj, raj mahel se bahar nikalte hai tabhi unko praja ke sukh dukh ka pata chalta hai

Chhote se rajya ke rajkumari ke liye itna jhanjhat ... Bata do ki tum kaun ho, Woh tumhare paav dho kar kanyaadaan kar denge ... Itna naatak karne ki kya jarurat

Mahishmati ke hone wale samraat ... Rajmata Shivagami devi ke priya putra ... Bhaybheet tha sansaar jisse uss kaal ke sandhaarak veeron-ke-veer ... Amarendra Baahubali

Tum use maa kehne ka adhikaar kho chuke ho ... Woh yaha sirf Rajmata ka kartavya pura karne aayi hai bas

Samay har kaayar ko shurveer banne ka ek avsar deta hai ... Veh kshan yahi hai

Soch agar pakki ho to ek tinka bhi talwaar mein badal sakta hai

Yeh rakt nahi hai mitra ... vijay tilak hai jo kehta hai ki tum kaayar nahi veer ho

Ek aur apka vidhaan hai dusri or apka sikhaya hua dharm ... In dono ke beech jo sangharsh hai usme meri talwaar dharm ki or jhuk rahi hai maa ... Pad chhin liya jaye ya bahishkaar kar diya jaye ... Mahishmati ke sewa ke liye, uski raksha ke liye, main humesha taiyaar rahunga

Aapke ankho ke saamne yeh sab naatak ho raha hai aur aap ek patthar ki tarah chup-chap dekh rahi hain Rajmata

Rajmata, ek dusht ke atyachar se jyada ek sajjan ka maun, rajya ke liye hanikaarak hai ... Yeh baat nahi jaanti aap? Baahubali jaise mahaveer ko pad se hataakar uska adhikaar ek kutte ko diya ja raha hai, yeh sab dekh ke bhi aap chup hain

Yaha jo bhi aaya hai mere liye bhet laya hai aap ne kuchh nahi diya, jo mangu wo denge aap ... Aapko Mahishmati ke shinghaasan par biraajna hai ... Yahi meri kaamna hai ... Yeh sirf meri nahi, samast praja ki kaamna hai ... Aur kehte hain praja ki kaamna puri karna ek kshatriya dharm hai ... Apna dharm nibhaaiye

Aise upahaaron ke liye aap jaise log poonchh hilaate honge ... Mere liye yeh pair ki dhool samaan hai

Wo tumhare saath keval 9 mahine raha wo bhi tumhari kokh me ... aur tum 25 saal tak mere saath rahi to fir uske aate hi mujhe chhod ke kaise jaa sakti ho devsena!

Maine tumhe mara hua samjha aur tum laut aaye, main bata nahi sakta mujhe kitni khushi ho rahi hai ... is baat ka dukh tha ki main usse apne hatho se maar nahi paya tum wahi roop lekar wapis aaye ho ... meri yeh adhoori ichha ab tum poori kar rahe ho ... or mere hatho se tumhari chhatee cheerne ka mauka diya tumne ... main kaise tumhara dhanyawad karoon ... Mahendra Bahubali

Tum nirdosh saabit hone tak apraadhi ho ... Yahi Mahishmati ka dandvidhaan hai

Desh ka singhasan tinke ie tarah tyag diya ... vishal hraday hai mere bete kaa ... uske chhoti se mano kamna poori na kar paoon ... to maa kaise

Baahubali ko mrityu dand diya toh praja vidroh kar degi, mantri mandal vibhajit ho jaayega ... antar yuddh ... Yeh rajya ke liye uchit nahi hai

Main woh gulaam hoon jise apko ashirwaad dene ka bhi adhikaar nahi ... Bhala main aapko kya de sakta hoon

Sansaar idhar ka udhar ho jaye ... Baahubali se bhul nahi ho sakti

Iss gulaam ko saath rakhna hi badi baat hai ... Aapne toh mujhe pita ka sthaan de diya

Meri bahen ke liye kuchh bhi Sambhav hai ... ek baar aur prayatn karo devsena

Singhaasan ke liye apna vachan tod doon, yeh aapki parvarish ka apmaan hoga maa ... Main apna vachan nahi todunga

Agni taiyar karo avantika ... dandd le ao dada ... paon aage badhao maa ... isse pahele ki tum parmeshwar ka teesra phera khatam karo main use zinda jalaane ke liye is chita pe taiyar rakhunga

Rajmata Shivgami Devi ko sakshi maan kar mera yeh pahla aadesh hai, iss rajya mein niti, nyaay aur lagan ke saath kaam karne wala har naagrik apna sar uthakar jiyega ... Aise vyakti ke saath agar koi anyaay kare, toh sarr kaat kar paatal mein ja girega ... Yeh mera vachan hai ... Mera vachan hi hai shaasan

Aadiwaasi bhi jinhe ghinouna samajhte hain un taur-tareekon ko aap dandvidhaan kehte hain ... Toh aise dandvidhaan ko aag laga dijiye, apne nyaay shaastra ko Ganga mein baha dijiye, apne shaasan ko shuulhi par chadhaa dijiye ... Jis rajya ki mati bhrasht hai uska Maahishmati jaisa bada naam ... chhiii

Mahishmati ... Jab se hosh sambhala, sirf tumhare liye tadapta raha ... Harr sapne mein tumhe apne sar par sajata hua dekha ... Itne varshon ke baad, itne shadyantro ke baad, tum mere haath aayi ... ab mujhse durr kyon bhaag rahi ho? Tumhe apne sir-aankho pe bithaya aur tumne mujhe thukra kar Baahubali ko kyon apna liya

Krodh mein ki gayi mithi baat bhi kadvi lagti hai Rajkumari

Sambandhi ek doosre ke gale lagte hai unke aage jhukte nahi hai maharaj.

Iss kshann se lekar, mrityu jab tak humein alag na kar de ... Main tumhara hun Devsena

Badi-badi pratimaaon aur unche-unche singhaasano se mahaan saamrajya nahi banta rajmata ... Ek vishal hraday se banta hai ... Lagta hai wo yaha kisi ke paas nahi hai ... Dhitkaar Hai.

Devsena sirf mujhe milni chahiye pita ji

Baahubali ki mahaanta ko samajh kar, tum aakash se bhi uchi ho gayi ... Aur jis bete ko doodh pilaya, use maar kar main tumhare charano me aa giri ... Ab uske paas jaakar uske charan apne aansooauon se dhone ke siwa aur kya kar sakti hoon

Jo ghor andhere mein ujaala bhar de, aise meghashakti wale Amrendra ke suputra ho tum ... Apne pita ki tarah socho ... Baahubali ki tarah socho

Tumhari Janani aur Janm Bhoomi 25 varsho se Pratiksha Kar rahi Hai ... Sirf Tumhare Liye Mahendra

Mahendra tumhe wapis laut ke ana hoga ... main tumhari pratiksha karungi ... mahishmati tumhari pratiksha karga ... aaoo ge na?

Mrityu ke bhay se jab wo chillayega to mahishmati mahal ki deeware dahell uthengi

Jab tak tum mere saath ho mujhe maarne wala paida nahi hua mama

Aap mere bete ko bacha lenge to main samjhungi ki mera pati jeevit hai

Maine tujhpe bekaar hi shak kiya kattapaa ... Tu mera hi kutta hai

Parmeshwar ... tu mere paapo ka praayashchit chahata hai ... to mere pran le le ... lekin is bacche ko jeevan daan de de ... jo is ki pratiksha kar rahe hai us maa ke liye ise jeena hoga ... Mahishmati singhasan ke liye isko jeena hoga ... Mahendra Bahubali ko jeena hoga

Amrendra Baahubali nahi rahe ... Ab apke maharaj hain Mahendra Baahubali